طلبات للمكياج......

ازيكم؟عاملين ايه؟

فطرتوا و لا لسة؟انا الحمد لله فطرت احلى فطار و شبعااااانة ههههههه

المهم ندخل في الموضوع

انا فكرت كدة في نفسي و قلت اني بدل ماعمل مكياج يليق على لبس معين من تفكيري قلت ليه ماخليش المتابعين هما اللي يطلبوا اللبس اللي اعمل عليه المكياج؟

واحدة تقوللي مش فاهمة

انا هافهمك

يعني مثلا مثلا واحدة تطلب مني اعمل مكياج يليق على فستان كذا من محل كذا و الأسهل من كدة انها تصور القطعة و تعمللها رابط

واحدة تقوللي ازاي اصور و اعمل رابط للصور؟

اولا:التصوير

1-لما تلاقي القطعة اللي انتي عايزة الدرس يكون عليها تصوريها عن طريق زرار في الكيبورد اسمه(Print Screen SysRq)هو عندي جنب زرار اف12(f12)

2-افتحي برنامج الرسام و بعدين دوسي على زرار(Shift+v)او ممكن تدوسي على كليك يمين في الماوس و بعدين Paste هاتتصورلك الصورة على الصفحة تظبطيها و لو مش عارفة اظبطها انا

3-احفظيها عندك على الكمبيوتر

ثانيا:عمل رابط للصورة

1-ادخلي على الموقع ده http://tinypic.com/

هاتطلعلك صفحة زي دي

شايفة المكان الفاضي اللي تحته كلمات(image-video-url)؟

دوسي على كلمة(Browse)و اختاري صورة القطعة اللي هاتعمليلها الرابط

و لما تختاري تدوسي على العلامة الخضرا اللي تحت

هايظهرلك مربع صغير بالشكل ده

الكلام اللي انا عاملاله تمويه ده هايكون كود مكون من كلمتين لو ماظهرش ليكي واضح دوسي على العلامة الأولى الصغيرة اللي تحت الكود عشان يظهرلك كود تاني و على فكرة انا عملت تمويه للي ظهرلي عشان ممكن يطلعلك غيره

لما تكوني كتبتي الكود بقى و دستي على العلامة الخضرا تستني لما يحمل و بعدين هاتظهرلك 4 روابط فوق بعض,اختاري الرابط الرابع و انسخيه في التعليقات على الموضوع و ان شاء الله اعمل المكياج ده(دا احنا قلبنا على كيفية عمل رابط للصور و هاننسى الموضوع الأصلي هههه)

المهم لو عاوزين اعمل مكياج على قطعة لبس او طقم تصورها و تعمللها رابط و تقولولي في التعليقات و ان شاء الله اقدر اعمل المكياج

يلا انا مستنية طلباتكم

و صوما مقبولا و افطارا شهيا